أمل أسرتنا إختفى/ بقلم سجى خليل

 لما ماتت امل البيت م عاد فيه روح بطل فيه صوت وضحك مثل قبل، مع هيك حاولنا انه نعيش، حاولت كثيير انه اخذ دور امل عشان م احسس بابا انه احتل الحزن والعتمة قلوبنا وماتت الروح الحلوة يلي كانت موجودة بهالبيت، لما ماتت امل صرت اميل للوحدة بطلت احب اختلط بحدا ابداً، تعودت ع الوحدة من حد م فارقت اختي، م قدرت اخذ مكانها أبداً لأنه كانت اساس فرحة البيت بدونها م فيه فرحة واستمريت عايشة بالوحدة وبالحزن لمدة سنتين ونص،كان وجع بابا الوحيد وفاة امل لأنه فعلياً كان في فرق كبيير بالحياة وهي معنا، كنا عطول مبسوطين،وهسا بعد فراق بابا وبعد م بابا تحققت أمنيته وراح عند اختي والتقى فيها، م بقي شي بالبيت لا صوت ولا روح ولا فرحة ولا سند  صار عبارة عن بيت عادي كل غرفة فيه مكونة من أربع حيطان مجرد بيت لأنه اساس البيت   وروح البيت وسنده ماتوا، سكان البيت م عادوا موجودين بطل البيت يعنيني شي لأنهم م فيه ، بس بقيت شغلة وحدة تعنيني فيه أنه قضيت معهم زكريات حلوة فيه وأنه كانوا اساس البيت لأنه بغيابهم البيت انهدم،،..وبرغم انه بعتبر اني صرت وحيدة فيه بدونهم،، بس ببقى الملجأ الوحيد الي بحزني ووقت م ببكي مستحيل ابكي بمكان غير ببيتنا، لأنه روح بابا واختي عايشة فيه وبحس بالأمان فيه أكثر من أي مكان ثاني ومثل م بضعف فيه برجع بستمد قوتي منه ، وبضل اتخيلهم واتخيل ضحكاتهم ووجودهم فيه، رغم فقدانهم 

لأنه اساس البيت العيلة، اساس البيت العلاقات يلي بينهم قد م كان بينهم مشاكل،، بضل اساس حيااتنا عيلتنا  ،... مرة قرأت اقتباس، أيقنتُ انه ضوضاء العائلة  هو هدوء القلب...

اخذ قلبي حرفياً لأنه العيلة هي كلشي بنظري وهي اساس البيت واساس التربية برضه واساس الحب والأمان والقوة  والعلاقات، ..

بنظري برضه الإنسان يلي قادر يبني عيلة بمفهومها واساسياتها قادر يكون ناجح بكل العلاقات.