"مرحبا"
َ28/نيسان/1996
كُنت حاب أحكيلك أنو....
صار عفراقنا أيام كتيرة يمكن ما كانت فارقة معك الثواني يلي كانت سنين بعقاربي بس لسة بفتقدك....،
28/نيسان /2002 كنت ماشي بشوارع نفسها يلي صدى صوتك كانت ترافقني حيطانها، فجأة طلعت صورتك قدامي وكأنك حقيقة مش خيال، سرحت فيكي متل ما كنت متعود، ذكرت أيامنا الحلوة سوا، وحتى الأيام البشعة يلي كانت ترافقنا بحياتنا العائلية...، ما بعرف كيف بهاي اللحظة صارت حلوة يمكن لانو فقدت الاشي!
عزت علي عشرة السنين يلي كانت بينا!
وكيف انتهت!
يمكن؟ لأ لأ مش يمكن لانو لسة بحبك؛
وشتقت لك، وأنا عارف انو ما بنفع احكيلك إنّي اشتقتلك
التواريخ بينا كانت والثواني والأيام بس ولا لحظة قدرت اتلاشى صوتك ضحكتك، تفاصيلك،....
بس رغم تواريخ فرقتنا لسة بحبك!
وما نسيتك!
متل ما كنتي تاخدي النصيب الأكبر من دعائي،
ما زلتي اول المذكورين بسجودي
"16/نيسان /2010. " لنْ نبرحَ بالشوقْ حتى يأتيّ مُتَيمُنا"
تحرير_صالح
ليست هناك تعليقات:
إرسال تعليق