العقل أم القلب
لما يصير حوار بين عقلك وقلبك بتحس حالك كانك عم تشوف شي مسلسل وعارف مين يلي رح يربح بالاخر لانك شايف كل الأدلة قدامك، وبتحس حالك واقع بين خيارين وشايف بكل واحد فيهم شي حلو وشي سيء وشايف السعادة بقلبك بس رح تخسر كتير، بتكون عارف انه قلبك هو الغلط وعقلك هو الصح بس بتحس حالك مركز مع قلبك وعم تسمع لكلامه اكتر مع انك عارف انه رح يدهورك ورح تغلط كتيير اذا سمعت كلامه،بس بأغلب الاحيان عاطفتك بتغدر فيك وفجأة بتحس حالك عم تقول خلص انا بدي هاي الشغلة وما رح اتركها ولو انها غلط بس بتغدر حالك زي ما نغدرت، قلال الناس يلي بسمعوا لعقلهم وبتركوا قلبهم على جنب وبقولوا لا، هدول يلي بأغلب الاحيان تصرفهم بكون الأصح وبكون التفكير العقلاني هو يلي ربح على العاطفة، ما بعرف القدرشو بخبي للانسان بس يلي بعرفه انه بوفرله كل الخيارات وكل الأدلة قدامه لحتى يختار الصح بس دايما بختار الغلط مع انه عارف شو الصح...
سلمى بواعنة✍🏻❤
١٠/٨/٢٠٢٣
الخميس....
ليست هناك تعليقات:
إرسال تعليق